Бүгін Жалпы білім беретін Қарақұдық мектебінде 5"А" сынып оқушылары және сынып жетекшісі Гүлнұр Ерболатқызының ұйымдастыруымен қазақ әдебиетіміздегі үш алыптың бірі Сәкен Сейфуллиннің туғанына 130 жыл толуына орай "Сәкен-қазақ поэзиясының Альбатросы" атты тәрбие сағаты болып өтті.
Тәрбие сағатында қаламгердің шығармашылық өмірбаяны, ақындық қыры туралы ақпараттар берілді.
Оқушылар Сәкеннің "Көкшетауына" саяхаттап , поэмадан үзінділерді мәнерлеп оқып, достықты жырлап ту еткен "Сыр сандығын" мәнеріне жеткізіп жырлады. Сәкеннің анасына жазған хатынан көрініс көрсетіліп , ақынның анасына деген құрметін, елі үшін жұмыс жасап жүргеніне тәнті болдық. Тәрбие сағатының соңында Қанат Жүнісовтің "Сәкеннің монологі" атты өлеңімен аяқтап , оқушыларға қазақ әдебиетінің ақсұңқары туралы мол мағлұмат берілді. Сәкеннің қазақ еліне жасаған жақсылығын кейінгі ұрпақ мәңгі есте сақтайды деген сенімдеміз.
#біртұтастәрбие_маңғыстауоблысы #сәкенсейфуллин130жыл
